پاک بھارت میچ ساڈے لئی صرف اک کرکٹ میچ اے: ویرات کوہلی

نویں دِلی(پاکستان پوائنٹ نیوز24۔مئی2017ء) اک پاسے جتھے پاکستان تے بھارتی لوکائی نوں چیمپئنز ٹرافی دے سبھ توں وڈے ٹاکرے دی اُڈیک اے اوتھے انج لگ رہیا اے کہ بھارتی کپتان ویرات کوہلی نوں ایس مقابلے دی کوئی فکر ای نہیں اے۔ اپنے اک بیان وچ 28ورھیاں دے ویرات کوہلی دا کہنا سی کہ پاک بھارت ٹاکرا دوویں ملکاں دی لوکائی وچ نواں جذبا پیدا کردا اے تے مقابلے دا ماحول وکھ ای ہوندا اے پر بطور کرکٹر ساڈے لئی ایہ کوئی جنگ نہیں بلکہ صرف اک میچ دی حیثیت رکھدا اے۔ چیتے رہوے کہ چیمپیئنز ٹرافی وچ پاکستان تے بھارت 4جون نوں آہمنے ساہمنے ہون گے۔