محمد عامر اگلے سیزن وچ کاؤنٹی کرکٹ کھیڈن گے

لاہور (پاکستان پوائنٹ نیوز10۔اگست 2016ء) انگلش کرکٹ کاؤنٹی ایسکس نے فاسٹ باؤلر محمد عامر نال سمجھوتے وچ دلچپسی دا وکھالا کر دِتا۔ 25 ورھیاں دے پیسر اگلے سیزن وچ ایسکس دی نمائندگی کر سکدے نیں۔برطانوی میڈیا دے مطابق محمد عامر دے اگلے انگلش سیزن وچ کاؤنٹی کرکٹ وچ اپنی باؤلنگ دے جوہر وکھان دا موقع موجود اے۔ انگلش کاؤنٹی ایسکس محمد عامر نال سمجھوتا کرنا چاہندی اے جہدے لئی جلدی فاسٹ باؤلر نال رابطا کیتا جاوے گا۔ یاد رہوے کہ محمد عامر نے انگلینڈ خلاف تِن ٹیسٹ میچاں وچ 10 وکٹاں لِتیاں نیں پر اوہ اجے تیکر اپنی پرانی فارم وچ نظر نہیں آئے۔