کراچی (پاکستان پوائنٹ نیوز10۔اگست 2016ء) پاکستان کرکٹ ٹیم دے سابق کپتان وسیم اکرم نے آکھیا اے کہ ملک وچ انٹرنیشنل کرکٹ دے نہ ہون دی وجہ توں نوجوان کھڈاریاں نوں بہت نقصان ہو رہیا اے، موجودا ٹیسٹ کپتان مصباح الحق ٹھیک آکھدے نیں کہ ملک وچ انٹرنیشنل کرکٹ توں دوری بڑی محرومی اے۔ اوہناں دا کہنا سی کہ مصباح دی قیادت وچ قومی ٹیسٹ ٹیم چنگی بن گئی اے پر ایہ گل وی ٹھیک اے کہ جدوں تیکر کھڈاری اپنے ہوم گراؤنڈ تے اپنے لوکاں دے سامنے نہ کھیڈن اودوں تیکر اوہناں دیاں کامیابیاں دا مزا کِرکرا ررہندا اے۔
اوہناں دا ہور آکھنا سی کہ 8,9 سال انٹرنیشنل کرکٹ نہ ہون پاروں نوجوان بہترین کرکٹرز نوں اپنے سامنے کھیڈدے ہوئے ویکھن توں محروم ہو گئے نیں۔اوہناں دا کہنا سی کہ اوہ وقار یونس تے عمران خان نوں ویکھ کے فاسٹ باؤلر بنے سن پر اج دے کرکٹرز نوں ایہ موقع نہیں مل رہیا۔
