کدی وی انگلینڈ لئی کرکٹ کھیڈن دی گل نہیں کیتی: جنید خان

لاہور (پاکستان پوائنٹ نیوز10۔اگست 2016ء) فاسٹ باؤلر جنید خان نے آکھیا اے کہ اوہناں نے کدی وی انگلینڈ لئی کرکٹ کھیڈن دی گل نہیں کیتی۔ نجی ٹی وی نال گل بات کردے ہوئے اوہناں دا کہنا سی کہ ٹیم وچ شامل نہ ہون اُتے مایوس ضرور آں پر ملک چھڈن دا کدی وی نہیں سوچیا ۔ اوہناں دا کہنا سی کہ میں مکمل فٹ آں تے ٹیم وچ رلت لئی ڈاڈھی محنت جاری رکھاں گا۔ یاد رہوے کہ جنید خان نوں انگلینڈ خلاف ون ڈے سکواڈ وچ شامل نہیں کیتا گیا ۔