لندن (پاکستان پوائنٹ نیوز10۔اگست 2016ء) 100 ورھیاں دی تاریخ وچ پہلی وار کھڈاریاں نے اپنے ناں لارڈز آنر بورڈ اُتے درج ہوندے ویکھے۔ تفصیل دے مطابق انگلینڈ خلاف لارڈز ٹیسٹ وچ سنچری بنان والے مصباح الحق تے 10 شکار کرن والے لیگ سپنر یاسر شاہ نوں انتظامیا ولوں خصوصی طور اُتے دعوت دِتی تے دوواں کھڈاریاں دے ناں اوہناں دے سامنے آنر بورڈ اُتے درج کیتے گئے۔
ایس دوران مصباح الحق نے آکھیا کہ محسن خان، سنگاکارا، راہول ڈریوڈ تے مائیکل کلارک ورگے وڈے کھڈاریاں دی لسٹ وچ تھاں ملنا اعزاز دی گل اے، ٹیم دی تاریخی فتح وچ اپنا حصہ پانا زندگی دایادگار موقعہ رہیا۔ جدکہ لیگ سپنر یاسر شاہ نے آکھیا کہ اوہناں نوں انگلینڈ وچ پہلی وار کھیڈن دا موقع ملیا تے اوہ شاندار کارکردگی وکھان وچ کامیاب رہے، اوہ اپنے لئے اعزاز پان اُتے بہت خوش نیں۔ یاد رہوے کہ سچن ٹنڈولکر تے جیک کیلس ورگے وڈے کھڈاری اپنے کیریئر وچ لارڈز آنر بورڈ اُتے ناں درج کروان وچ ناکام رہے نیں۔
