پی سی بی نے افغان کرکٹ لیگ لئی کھڈاریاں نوں این او سی جاری کر دِتے کھڈاری سکیورٹی دے آپے ذمے وار ہون گے: پی سی بی

لاہور (پاکستان پوائنٹ نیوز5۔اگست 2016ء) پاکستان کرکٹ بورڈ نے افغان کرکٹ لیگ لئی کھڈاریاں نوں این او سی جاری کر دِتا اے۔ پی سی بی ولوں کھڈاریاں نوں واضح کیتا گیا اے کہ اوہ سکیورٹی دے آپ ذمے وار ہون گے۔ یاد رہوے کہ افغان کرکٹ لیگ 9 اگست توں کابل وچ شروع ہو رہی اے۔ پاکستان کرکٹ بورڈ نے ناصر جمشید، سلمان بٹ، کامران اکمل، محمد آصف، خالد لطیف تے محمد سمیع نوں افغان کرکٹ لیگ کھیڈن لئی این او سی جاری کیتا اے۔ بورڈ حکام ولوں ذکر کیتے گئے کھڈاریاں نوں واضح کیتا گیا اے کہ اوہ افغانستان وچ اپنی سکیورٹی دے آپ ذمے وار ہون گے۔