ریواولمپکس، امریکن کھڈاری مائیکل فلپس نے سوئمنگ 200 میٹر بٹر فلائی مقابلا اپنے ناں کر لیا

ریوڈی جنیرو (پاکستان پوائنٹ نیوز10۔اگست 2016ء) مشہور امریکی پیراک مائیکل فلپس نے ریواولمپکس وچ منز سوئمنگ 200 میٹر بٹرفلائی مقابلیاں وچ وی تمغہ اپنے ناں کر لیا۔ مائیکل فلپس دی اولمپکس وچ مجموعی تمغیاں دی گنتی 21 ہو گئی اے، اوہناں نے ریواولمپکس وچ تِن تمغے اپنے ناں کیتے ہوئے نیں۔ تفصیل دے مطابق ریواولمپکس وچ مینز سوئمنگ 200 میٹر بٹر فلائی مقابلیاں وچ مائیکل فلپس نے تیراکی دا شاندار وکھالا کردے ہوئے مِتھیا پینڈا 1;53-36 سکینڈز وچ طے کر کے پہلی پوزیشن حاصل کردے ہوئے اپنے ملک لئی ریواولمپکس وچ تیجا تمغہ حاصل کیتا۔ ایہناں مقابلیاں وچ جاپان دے ماساٹو نے دوجی جدکہ ہنگری دے تاماس نے تیجی پوزیشن حاصل کیتی۔