لاہور(پاکستان پوائنٹ نیوز06۔مئی2017ء) قومی ٹیم دے سابق کپتان شاہد خان آفریدی نے پہلے ورلڈ ٹی ٹونٹی وچ بھارتی اوپنر گوتم گھمبیر نال ہون والی تو تو، میں میں بارے اظہار کر دتا۔ اپنے اک کالم وچ شاہدی آفریدی نے پاکستانی تے بھارتی کرکٹرز وچکار تعلق تے میدان وچ پیش آن والے واقعیاں اُتے گل بات کردے ہوئے آکھیا کہ دوویں ملکاں دے کھڈاری اک دوجے نال بڑا چنگا سلوک کردے نیں۔
اپنے کالم وچ اوہناں دا کہنا سی کہ میرے سارے بھارتی کھڈاریاں نال چنگے تعلقات تے دوستیاں نیں پر گوتم گھمبیر نال تعلق اینا چنگا نہیں رہیا جہدی وجہ کُجھ ورھے پہلے پاک بھارت میچ دوران پیش آن والا واقعہ اے۔ آفریدی دا کہنا سی کہ کھیڈ دوران اوہناں دی بھارتی کھڈاری گوتم گھمبیر نال تو تو، میں میں ہو گئی سی جہنے چھیتی ای میڈیا دی توجہ حاصل کر لئی، میں اوس واقعے نوں ماضی دا قصہ قرار دے کے ہن بھل گیا واں کیونکہ انج کھیڈ وچ ہو ای جاندا اے پر گوتم گھمبیر ایس واقعے نوں نہیں بُھل سکےا۔ میریاں نیک خاہشاں اوہناں دے نال نیں پر تُسیں مینوں اوہد ے نال کافی پیندا نہیں ویکھ سکدے۔
