’سپرمین‘ وہاب ریاض نے ہوا وچ چھال ماردے ہوئے شاندار کیچ پھڑ لیا

کنگسٹن(پاکستان پوائنٹ نیوز22۔اپریل2017ء) پاکستان کرکٹ ٹیم دا سبھ توں وڈا مسئلا فٹنس تے فیلڈنگ نوں سمجھیا جاندا اے پر ویسٹ انڈیز خلاف پہلے ٹیسٹ میچ دے پہلے دن فاسٹ باﺅلر وہاب ریاض نے اجیہا کیچ پھڑیا جہنوں کرکٹ دی تواریخ دے بہترین کیچاں وچوں اک آکھیا جا رہیا اے۔ تفصیل دے مطابق پاکستان نے ٹاس جت کے ویسٹ انڈیز نوں پہلے کھیڈن دی دعوت دتی تے مجمان ٹیم دے 5کھڈاری صرف 71سکور اُتے ڈھیر ہوگئے، جہدے مگروں روسٹن چیز تے شین ڈاﺅرچ نے 6ویں وکٹ نال 118سکور جوڑ کے ٹیم دی ڈُبدی کشتی نوں سہارا دتا تے ٹیم دا سکور 189تک پہنچا دتا، ایہناں دوویں کھڈاریاں دی جوڑی پاکستان لئی خطرا بن رہی سی پر جدوں یاسر شاہ اننگز دا 70واں اوور کروان آئے، تے اوور دی تیجی گیند اُتے روسٹن چیز نے اُچا شاٹ کھیڈیا تے گیند باﺅنڈری ول ودھن لگا۔ ایس دوران مڈآن اُتے فیلڈنگ کرن والے وہاب ریاض باﺅنڈری ول نسے تے ہوا وچ چھال ماردے ہوئے روسٹن دا اجیہا کیچ پھڑیا کہ کمنٹیٹر وی اوہناں دی تعریف کیتے بنا نہ رہ سکیا۔