کراچی(پاکستان پوائنٹ نیوز24۔اپریل2017ء) وزیر اعظم خلاف نعرے لان دے الزام وچ گرفتار کیتے گئے 5ایتھلٹس رہائی مگروں کراچی پہنچ گئے۔ تفصیل دے مطابق پچھلے دیہاڑے لاہور وچ ریلوے دی انعام ونڈن دی تقریب وچ وزیر اعظم خلاف نعرے لان دے الزام وچ گرفتار ایتھلٹس رہائی مگروں ایتوار تے پیر دی وچکارلی رات کراچی پہنچ گئے۔ رہا ہون والے پڑھیاراں وچ اویس، عبید، شکیل، ابرار تے فصیح اللہ نامی نوجوان شامل اے۔
میڈیا نال گل بات کردے ہوئے نوجواناں نے دسیا کہ ریلوے سپورٹس سٹیڈیم وچ وزیر ریلوے خواجا سعد رفیق دے خطاب دوران تقریب وچ رلتی کُجھ پڑھیاراں نے وزیر اعظم خلاف نعرے لائے سن، پر اسیں پہلیاں سیٹاں اُتے بیٹھے ہوئے ساں ایس لئی پولیس نے شاید غلط فہمی دی بنیاد اُتے سانوں گرفتار کر لیا۔ اوہناں نے آکھیا کہ اوہ میڈیا دے شکر گزار نیں جہناں نے اوہناں دا مسئلا چُکیا، جہدے مگروںوزیر اعظم نے اوہناں دی رہائی دا حکم دتا۔نوجواناں دا کہنا سی کہ اوہ واپس اپنے گھر پہنچ کے خشی محسوس کر رہے نیں۔
