جمیکا(پاکستان پوائنٹ نیوز22۔اپریل2017ء) قومی ٹیسٹ ٹیم دے کپتان مصباح الحق نے سینئر بلے باز یونس خان نوں ریٹائر نہ ہون دا مشورا دے دتا۔ اپنے اک کالم وچ مصباح الحق نے لکھیا کہ یونس خان نال کھیڈن دا موقع ملنا میرے لئی اعزاز دی گل اے، میں اوہناں نوں کامیاب کیریئر اُتے مبارکباد دینا واں، میرا ذاتی خیال اے کہ سینئر کھڈاری اجے ہور دو سال تک کھیڈے ، پاکستان نوں اجے اوہناں دی لوڑ وی اے پر پتا نہیں کہ دوجے وی میری رائے نال اتفاق کرن یاں نہ۔
مصباح الحق دا کہنا سی کہ میری یونس خان نال ایس معاملے اُتے دورا آسٹریلیا دوران گل بات وی ہوئی ، ٹیم نوں کئی صلاحیت جوگ نوجوان کھڈاری مل رہے نیں پر یونس خان دا تھاں لینا کسے لئی بڑا مشکل ہووے گا کیونکہ اوہ سویر توں لے کے سون تک ویلے دی پابندی دا خیال رکھن والے سینئر کھڈاری نیں۔ مصباح الحق دا کہنا سی کہ میں آپ وی اوہناںتوں بہت کُجھ سکھنا واں، مینوں اوہناں کولوں بیٹنگ کردے ہوئے دباءوچ بہتر کارکردگی دا ہنر سکھن وچ مدد ملدی اے۔
