لاہور(پاکستان پوائنٹ نیوز05۔اپریل2017ء) دورا ویسٹ انڈیز لئی قومی ٹیسٹ کرکٹ ٹیم دا اعلان کر دتا گیا، ٹیسٹ ٹیم دی قیادت مصباح الحق کرن گے جدکہ سرفراز احمد نائب کپتان ہون گے، ٹیم وچ تن سپنرز نوں شامل کیتا گیا اے۔ تفصیل دے مطابق پاکستان کرکٹ بورڈ نے دورا ویسٹ انڈیز لئی ٹیسٹ ٹیم دا اعلان کر دتا اے، اوپنر شان مسعود نوں ٹیم وچ شامل کیتا گیا اے جدکہ ہور کھڈاریاں وچ مصباح الحق، احمد شہزاد، اظہر علی، اسد شفیق، بابر اعظم، یونس خان، محمد عامر، وہاب ریاض، محمد اصغر تے یاسر شاہ شامل نیں۔
ویسٹ انڈیز خلاف ٹی ٹونٹی میچاں وچ شاندار کارکردگی دا وکھالا کرن والے شاداب خان تے حسن علی نوں وی ٹیم دا حصہ بنایا گیا اے جدکہ قائد اعظم ٹرافی وچ وکٹاں لین والے فاسٹ باﺅلر محمد عباس تے 800سکور کرن والے عثمان صلاح الدین وی ٹیسٹ ٹیم دا حصہ ہون گے۔یاد رہوے کہ ویسٹ انڈیز خلاف ٹیسٹ سیریز دا پہلا میچ 22اپریل نوں ہووے گا۔
