لاہور(پاکستان پوائنٹ نیوز05۔اپریل2017ء) چیئرمین پی سی بی شہریار خان دا کہنا اے کہ ویسٹ انڈیز خلاف ٹیسٹ سیریزکپتان مصباح الحق دی آخری ٹیسٹ سیریز ہوو ے گی۔ تفصیل دے مطابق میڈیا نال گل بات کردے ہوئے پاکستان کرکٹ بورڈ دے چیئرمین شہریار خان دا کہنا سی کہ ویسٹ انڈیز خلاف ٹیسٹ سیریز مصباح الحق دی آخری ٹیسٹ سیریز ہووے گی، ایس معاملے اُتے مصباح الحق نال گل بات نہیں ہوئی تے نہ ای ایہدی لوڑ اے پر ایہ اوہناں دا آخری دورا ثابت ہووے گا۔
شہریار خان دا ہور کہنا سی کہ بنگلا دیش نے اپنی ایمرجنگ ٹیم گھلن اُتے رضا مندی ظاہر کیتی اے، بنگلا دیشی بورڈ دا اصل مسئلا سیاسی اے پر اوہناں نے سکیورٹی اُتے تحفظات دا وکھالا کیتا اے۔ شہریار خان دا کہنا سی کہ بھارتی کرکٹ بورڈ نوں وی دس دتا اے کہ سیریز نہ کھیڈن اُتے قانونی کارروائی ہووے گی۔
