واشنگٹن(پاکستان پوائنٹ نیوز06۔اپریل2017ء) ریسلنگ دے سبھ توں وڈے ایونٹ ریسل میٹیا 33وچ مشہور ریسلر انڈر ٹیکر دی ریٹائرمنٹ مگروں ہن اک ہور لیجنڈ ریسلر گولڈ برگ نے وی ایس دنیا نوں چھڈ دتا۔ سابق ورلڈ ہیوی ویٹ چیمپئن گولڈ برگ نے پچھلے ورھے اپنے سابق حریف بروک لیسٹرز دا چیلنج قبول کردے ہوئے 13سال ورھیاں مگروں ریسلنگ دی دنیا وچ واپس پیر رکھیا تے تواریخی میچ وچ اپنے حریف ریسلر بروک لیسٹر زنوں صرف 86سیکنڈ وچ ہرا کے ساریاں نوں حیران کر دتا جہدے مگروں امید ظاہر کیتی جا رہی سی کہ اوہ ایس چیلنج مگروں فیر کدی رنگ وچ وکھالی نہیں دین گے پر حیران کن طور اُتے اوہناں نے بروک لیسٹرز نوں ہرا کے وی ریسلنگ کیریر جاری رکھیا۔
پچھلے دیہاڑے ریلسنگ دے سبھ توں وڈے ایونٹ ریسل میٹیا 33وچ بروک لیسٹر زنے گولڈ برگ نوں ہرا کے نہ صرف اپنا بدلیا بلکہ یونیورسل چیمپئن شپ اُتے وی قبضہ کر لیا۔
