لاہور(پاکستان پوائنٹ نیوز16۔مارچ2017ء) پی ایس ایل ٹو سپاٹ فکسنگ سکینڈل وچ تحقیقات دا گھیرا ودھدا نظر آ رہیا اے۔ آکھیا جا رہیا اے کہ آن والے کُجھ دناں اندر ہور کھڈاریاں نوں وی تفتیش وچ شامل کیتا جا سکدا اے۔تفصیل مطابق پاکستان سپر لیگ وچ سپاٹ فکسنگ دا گھیرا ودھدا نظر آ رہیا اے۔ آن والے کجھ دناں اندر ذوالفقار بابر تے عمر امین سنے ہور کھڈاریاں نوں تفتیش وچ شامل کیتا جا سکدا اے۔
وسیلیاں دے مطابق لیفٹ آرم سپنر ذوالفقار بابر تے بیسٹمین عمر امین نوں آن والے کُجھ دِناں وچ تحقیقات لئی سَدیا جا سکدا اے۔ ذوالفقار بابر دا ناں پہلے وی ساہمنے آیا سی پر اوہناں نوں پُچھ گچھ مگروں پی ایس ایل کھیڈن دی اجازت دے دتی گئی سی۔ وسیلیاں دا کہنا اے کہ پی سی بی دا اینٹی کرپشن یونٹ آن والے کُجھ دِناں وچ ذالفقار بابر تے عمر امین نوں سَد سکدا اے۔
