ویسٹ انڈین آل راﺅنڈر کیرون پولارڈ’ گرفتار‘

لاہور(پاکستان پوائنٹ نیوز16۔مارچ2017ء) ٹی ٹونٹی کرکٹرز دنیا بھر دے ملکاں وچ کئی لیگز گھیڈے نیں جہدے پاروں اوہناں نوں اپنے گھراں نال ویلا بیتان دا موقع گھٹ ای ملدا اے۔ اک اجیہا ای موقع ویسٹ انڈین آل راﺅنڈر کیرون پولارڈ نوں وی ملیا اوہناں دی گھر والی نے موقعے توں فائدا چُکدے ہوئے پارٹی منان دا فیصلا کیتا تے ایس مقصد لئی اپنے دوستاں تے رشتے داراں نوں دعوت وی دے دِتی۔ ایس پارٹی دی خاص گل پارٹی وچ شریک لوکاں تے مجماناں دے کپڑے سن جو اک جیل دا منظر پیش کر رہے سن، پولارڈ نے وی ’قیدی‘ دا روپ دھاریا ہویا سی تے اوہناں دی گھر والی جیل وارڈن دا روپ دھارے نظر آئی۔ پولاڈر نے قیدیاں والے کپڑے پا ن دے نال نال ہتھ وچ ہتھکڑی تے گلے وچ قیدیاں والاں کڑا پایا ہویا سی۔