سابق بھارتی کپتان دھونی ہوٹل اندر لگن والی اگ نال سڑن توں وال وال بچ بچ گئے

نویں دِلی(پاکستان پوائنٹ نیوز17۔مارچ2017ء) بھارتی کرکٹ ٹیم دے سابق کپتان ایم ایس دھونی دوارکا دے اک ہوٹل وچ لگن والی اگ دے نتیجے وچ سڑن توں وال وال بچ گئے۔ بھارتی میڈیا دے مطابق دھونی اج کل ڈومیسٹک چیمپیئن شپ وجے ہزار ٹرافی وچ جھاڑ کھنڈ کرکٹ ٹیم دی قیادت کر رہے نیں۔ دھونی دی ٹیم سیمی فائنل وچ پہنچ گئی اے تے اوہدا مقابلا دوارکا وچ بنگال دی ٹیم نال ہونا اے۔ دھونی سنے جھاڑ کھنڈ دی پوری ٹیم دوارکا دے جہڑے ہوٹل وچ رہ رہی اے اوہدے نال جُڑے شاپنگ مال وچ سویرے 5وجکے 30منٹ اُتے اچن چیت اگ لگ گئی۔ اگ لگن دے نتیجے وچ اوہناں دا سارا سامان سڑ گیا۔ واقعے مگروں وجے ہزار ٹرافی دا سیمی فائنل موخر کر دِتا گیا اے جہدی نویں تاریخ دا اعلان چھیتی کیتا جائے گا۔