کراچی(پاکستان پوائنٹ نیوز16۔مارچ2017ء) پاکستان کرکٹ ٹیم دے سابق کپتان رمیز راجا نے دورا ویسٹ انڈیز لئی اظہر علی تے سہیل تنویر نوں منتخب نہ کرن اُتے حیرانگی دا وکھالا کردے ہوئے آکھیا اے کہ دوویں کھڈاریاں نوں ٹیم وچ ہونا چاہیدا سی۔ تفصیل دے مطابق برطانوی ٹی وی نال گل بات کردے ہوئے رمیز راجا نے آکھیا اے کہ سہیل خان پاکستان سپر لیگ دے سبھ توں کامیاب بولر نہیں جہناں نے ایونٹ وچ 16وکٹاں لئیاں، اوہ ٹی ٹونٹی دے کامیاب بولر نیں۔
اوہناں نے آکھیا کہ سلیکٹرز نے جس طرحاں کامران اکمل نوں سپر لیگ وچ چنگی پرفارمنس اُتے شامل کیتا اے، اوسے طرحاں سہیل خان نوں وی ٹی ٹونٹی ٹیم دا حصہ بنانا چاہیدا سی۔ رمیز راجا نے آکھیا کہ مینوں اظہر علی نوں ون ڈے ٹیم وچ شامل نہ کیتے جان اُتے وی حیرت ہوئی کیونکہ اوہناں دی کارکردگی اینی مَندی نہیں سی۔
