لاہور(پاکستان پوائنٹ نیوز06۔مارچ2017ء) ٹیسٹ کرکٹر کامران اکمل دا کہنا اے کہ ہن ملک وچ کلب کرکٹ بالکل نہیں ہو رہی، ٹی ٹونٹی فارمیٹ ختم کر کے کلب کرکٹ اُتے توجہ دِتی جائے۔ تفصیل دے مطابق لاہور وچ پریس کانفرنس کردے ہوئے کامران اکمل دا کہنا سی کہ میں 1995وچ کلب کرکٹ شروع کیتی سی، ہن ملک اندر کلب کرکٹ بالکل ختم ہو گئی اے۔ اوہناں نے مشورا دِتا کہ ٹی 20کرکٹ نال نوجوان کھڈاریاں نوں نقصان ہو سکدا اے، ایس لئی ٹی 20کرکٹ ختم کر کے کلب کرکٹ اُتے توجہ دِتی جائے، ٹیم وچ اکٹھے 5نوجوان کھڈاری کھڈاواں گے تے نقصان ہون دا بہتا امکان اے۔
پاکستان سپر لیگ وچ اپنی شاندار کارکردگی بارے گل بات کردے ہوئے کامران اکمل دا کہنا سی کہ میں ہمیشہ چنگی پرفارمنس دین دی کوشش کیتی تے میری بیٹنگ پرفارمنس ساریاں دے ساہمنے اے۔ اوہناں دا کہنا سی کہ قومی ٹیم وچ کھڈانا مینجمنٹ دا کم اے، سلیکشن کمیٹی نے میری ہمیشہ حوصلا افزائی کیتی ۔ اوہناں دا کہنا سی کہ پاکستان سپر لیگ وچ سنچری بنان اُتے مینوں فخر اے۔
ایس توں وکھ پی ایس ایل ٹو دے فائنل دے لاہور وچ ہون بارے گل بات کردے ہوئے کامران اکمل نے آکھیا کہ فوج، پولیس تے پنجاب حکومت بغیر ایہ فائنل ناممکن سی، اوہناں دی جِنی تعریف کیتی جائے گھٹ اے، پی ایس ایل نوں جس طرحاں ویلکم کیتا گیا تحسین جوگ اے۔ اوہناں دا کہنا سی کہ جاوید آفریدی تے شاہد آفریدی نے غیر ملکی کھڈاریاں نوں پاکستان آن لئی راضی کیتا سی جدکہ فائنل وچ غیر ملکی کھڈاریاں دا آنا وڈی کامیابی اے۔
