لاہور(پاکستان پوائنٹ نیوز06۔مارچ2017ء) پاکستان سپر لیگ (پی ایس ایل) فائنل کھیڈ کے غیر ملکی کھڈاری وی بڑے خش ہوگئے۔ کسے نے دوبارا پاکستان آن دی خاہش دا وکھالا کیتا اے تے کوئی پی سی بی تے سکیورٹی حکام دا شکر گزار نظر آیا۔تفصیل دے مطابق جتن والی ٹیم پشاور زلمی دے کپتان ڈیرن سیمی، کرس جورڈن تے ڈیوڈ مالن نے پچ مگروں ٹوئٹر دا محاذ سنبھالیا۔ ڈیرن سیمی نے دوبارا پاکستان آن دی خاہش دا وکھالا کر دِتا۔
ڈیرن سیمی نے اپنے ٹویٹ اُتے آکھیا کہ میں فیر آواں گا، صرف ایہو نہیں لیجنڈ نوں ویل ڈن وی آکھیا۔ ڈیوڈ مالن پی سی بی تے سکیورٹی فورسز دے مشکور نظر آئے۔ اپنے پیغام وچ اوہناں دا کہنا سی کہ ایہ اک بہترین تجربا سی جو پاکستان لئی وی چنگا سی۔ اوہناں نے اپنے چاہیواناں دا وی شکریا ادا کیتا۔ کرس جارڈن نے آکھیا کہ لاہور دے سوہنے ماحول نے اوہناں اندر بجلیاں دوڑا دِتیاں سن۔
