مارلن سیمیولز دی فورسز یونیفارم وچ تصویر سوشل میڈیا اُتے وائرل

لاہور(پاکستان پوائنٹ نیوز06۔مارچ2017ء) پاکستان سپر لیگ دے فائنل میچ توں پہلے غیر ملکی کھڈاریاں نے ایس ایس جی کمانڈوز نال تصویراں بنوائیاں، ویسٹ انڈیز دے مارلن سیمیولز نے وی ایس ایس جی کمانڈوز ورگا یونیفارم پاکے تصویر بنائی جو سوشل میڈیا اُتے وائرل ہو گئی۔ تفصیل دے مطابق پاکستان سپر لیگ دے شروع توں ای ڈیرن سیمی سنے ہور غیر ملکی کھڈاریاں نے ایس ایس جی پیراٹروپز دیاں ٹوپیاں پا کے تصویراں بنوائیاں، ایس موقعے اُتے پشاور زلمی دے کھڈاری مارلن سیمیولز نے دو ایس ایس جی کمانڈوز نال تصویراں بنوائیاں جہدی خاص گل ایہ سی کہ اوہناں نے وی ایس ایس جی کمانڈوز ورگا یونیفارم پایا ہویا سی، اوہناں دی ایہ تصویر سوشل میڈیا اُتے ڈاڈھی مشہور ہو گئی اے۔