کرس گیل نے کراچی واسیاں لئی اُچیچا پیغام جاری کر دِتا

دبئی(پاکستان پوائنٹ نیوز27۔فروری2017ء) پاکستان سپر لیگ وچ کراچی کنگز دی نمائندگی کرن والے ویسٹ انڈیز دے بلے باز کرس گیل نے کراچی واسیاں لئی اُچیچا پیغام جاری کر دِتا۔ تفصیل دے مطابق 37ورھیاں دے کرس گیل نے ایتوار دے دیہاڑے اسلام آباد یونائیٹڈ خلاف 17گینداں اُتے 44سکور کر کے کراچی کنگز نوں پلے آف مرحلے لئی کوالیفائی کروان وچ اہم کردار ادا کیتا۔ پچھلے دیہاڑے اپنے اک انٹرویو وچ گیل دا کہنا سی کہ ایہ اننگز میرے اُتے کراچی والیاں دا قرض سی۔ یاد رہوے کہ کرس گیل پاکستان سپر لیگ دے سیزن ٹو وچ بُجھے بُجھے نظر آ رہے سن پر مشکل صورتحال وچ اوہناں نے اک وار فیر ٹونٹی ٹونٹی کرکٹ وچ اپنی طاقت دا وکھالا کر دِتا اے۔