اسلام آباد(پاکستان پوائنٹ نیوز02۔جنوری2017ء) نجی ٹی وی چینل دے اک پروگرام وچ گل بات کردے ہوئے علم نجوم دی ماہر سامعہ خان دا کہنا سی کہ 2017وچ عمران خان دے ستارے چنگے نظر آ رہے نیں۔ اوہناں نے آکھیا کہ 2017وچ عمران خان اپوزیشن دے طور اُتے ہور مضبوط ہوون گے۔ سامعہ خان نے آکھیا کہ آن والے انتخابات دے بعد میں پاکستان وچ وزیر اعظم لئی کوئی نواں بندا ویکھ رہی آں۔
اک سوال دے جواب وچ سامعہ خان نے آکھیا کہ پاکستان وچ مریم نواز شریف وزیر اعظم نہیں ہون گیاں میرے علم مطابق نہ تے پاکستان وچ کوئی سوانی اقتدار وچ آئے گی تے نہ ای ملک وچ مارشل لاءلگے گا۔ پاکستان دے آئندا وزیر اعظم لئی کوئی نواں بنداہووے گا۔ اوہناں نے عمران خان نوں پیغام وی دِتا کہ تہاڈے ستارے مضبوط نیں، ستارے صرف چانس دیندے نیں تے اوس چانس توں فائدا چُکنا یاں نہ چُکنا انسان دے اپنے وس ہوندا اے ۔ سامعہ خان نے ہور کیہ آکھیا تُسیں وی سنو!
