سوشل میڈیا اُتے وائرل ویڈیو وچ سوانی اُتے تشدد کرن والا کون سی؟پتا چل گیا

سوشل میڈیا اُتے وائرل ویڈیو وچ سوانی اُتے تشدد کرن والا کون سی؟پتا چل گیا

راولپنڈی(پاکستان پوائنٹ نیوز15۔دسمبر۔2018ء) سوشل میڈیا اُتے وائرل ویڈیو وچ سوانی اُتے تشدد کرن والا کون سی؟پتا چل گیا۔تفصیل دے مطابق پستول دے زور اُتے کُڑی اُتے تشدد کرن، گالھاں کڈھن تے کُڑی نوں بلیک میل کرن والا راولپنڈی دا اک بدنام گینگسٹر نکلیا۔وسیلیاں نے دسیا کہ سوشل میڈیا اُتے وائرل ہون مگروں معاملے نوں چُکیا گیا تے ملزم واصف عباسی باہرلے ملک فرار ہو گیا۔

جڑواں شہراں دی پولیس ملزم نوں پھڑن وچ اجے تیکر ناکام رہی اے۔ایس گینگ دے ہور ارکان وچ نصیر عرف ہنی کلر، وقاص عرف قصی ٹائیگر تے ابوبکر عرف تن سو دو شامل نیں۔ وسیلیاں نے دسیا کہ تِنوں ملزم راولپنڈی تے اسلام آباد وچ کئی سرگرمیاں وچ ملوث نیں۔ کُجھ چِر پہلاں ایس گینگ دے کُجھ ارکان نے وکیلاں اُتے وی حملا کیتا سی جیہدا مقدمہ نمبر 318/18وی درج ہویا۔

ایس حملے وچ وکیل ڈاڈھے زخمی ہوئے سن پر مقدمہ درج ہون مگروں ملزماں خلاف کوئی کارروائی نہیں کیتی گئی سی۔ سوشل میڈیا اُتے وائرل ہون والی ویڈیو وچ سوانی اُتے تشدد کرن والے نوجوان دا ناں واصف عباسی اے جو راولپنڈی دا رہائشی تے عمیر پلازے وچ موبائل دی دُکان چلا رہیا اے۔ دوجے پاسے زارش جمشید دی مدعیت و چ تھانا رمنا وچ ملزم خلاف مقدمہ درج کر لیا گیا اے۔