حمزہ شہباز دی گرفتاری مگروں پارٹی کون سنبھالے گا؟

مسلم لیگ (ن) دی قیادت تبدیل ہون دی آس

حمزہ شہباز دی گرفتاری مگروں پارٹی کون سنبھالے گا؟
مسلم لیگ (ن) دی قیادت تبدیل ہون دی آس

لاہور(پاکستان پوائنٹ نیوز15۔دسمبر۔2018ء) اپوزیشن لیڈر پنجاب اسمبلی حمزہ شہباز دے گرفتار ہون مگروں مسلم لیگ (ن) پنجاب دی قیادت بارے اہم فیصلا کیتے جان دی آس اے۔ تفصیل دے مطابق اپوزیشن لیڈر پنجاب اسمبلی حمزہ شہباز دی گرفتاری دی صورت وچ مسلم لیگ (ن) دی قیادت بدلے جان دی آس اے۔ ایس حوالے نال وسیلیاں نے دسیا کہ اپوزیشن لیڈر قومی اسمبلی حمزہ شہباز شریف نوں جے گرفتار کیتا جاندا اے تے رانا تنویر مسلم لیگ (ن) پنجاب دی قیادت دے مضبوط امیدار ہون گے۔

وسیلیاں دا آکھنا اے کہ مسلم لیگ (ن) وچ اک گروپ دا خیال اے کہ حمزہ شہباز تے شہباز شریف دے موقف تے بیانیے نال پارٹی نوں ڈاڈھا نقصان ہویا ایس لئی ایہ گروپ نواز شریف دے موقف نوں ای ٹھیک سمجھدا اے تے اُنجدا ای ردعمل دین دا ارادہ رکھدا اے۔ یاد رہوے کہ اپوزیشن لیڈر قومی اسمبلی و مسلم لیگ (ن) دے صدر شہباز شریف تے اوہناں دے پُتراں خلاف آمدن توں ودھ اثاثے بنان دے کیس دیاں تحقیقات نیں۔جدوں کہ شہباز شریف صاف پانی کیس وچ پہلے ای جیل جا چکے نیں۔