اداکارا و ماڈل شین نے جاوید ہاشمی دی دوجی بیوی ہون دا دعوا کر دتا: مبشر لقمان

اسلام آباد(پاکستان پوائنٹ نیوز02۔جنوری2017ء) نجی ٹی وی چینل دے اک پروگرام وچ گل بات کردے ہوئے مشہور پرچا کار مبشر لقمان نے انکشاف کیتا کہ چیچہ وطنی توں تعلق رکھن والی اک ماڈل و اداکارا شین نے ایہ دعوا کیتا اے کہ اوہ جاوید ہاشمی دی دوجی بیوی اے۔ مبشر لقمان نے پروگرام وچ دسیا کہ میں کسے نوں سکینڈلائز نہیں کر ہیا، دوجا ویاہ کرنا کوئی گناہ نہیں اے پر عوامی شخصیت ہون دی وجہ توں تہاڈے اُتے اک ذمے واری عائد ہوندی اے کہ تُسیں ایس گل نوں نہ لُکاﺅ۔ ایتھے ایہ گل ذکر جوگ اے کہ جاوید ہاشمی تے پی ٹی آئی چیئرمین عمران خان وچکار اج کل تلخ جملیاں دا وچار وٹاندرا جاری اے جہدے بعد سوشل میڈیا اُتے جاوید ہاشمی بارے کئی ویڈیوز گھم رہیاں نیں، جو ویکھن وچ پرانیاں لگدیاں نیں۔ مبشر لقمان نے ہور کیہ آکھیا تُسیں وی سنو!