نویں پاکستان وچ ریلوے دی قسمت بدلن لگی

چین دا پشاور توں کابل تیکر ریلوے لائن وچھان وچ مدد دا اعلان

نویں پاکستان وچ ریلوے دی قسمت بدلن لگی
چین دا پشاور توں کابل تیکر ریلوے لائن وچھان وچ مدد دا اعلان

اسلام آباد،کابل(پاکستان پوائنٹ نیوز15۔دسمبر۔2018ء) خطے دی مجموعی صورتحال اُتے پاکستان، افغانستان تے چین دے وزرائے خارجا دی سہہ فریقی کانفرنس جاری اے۔دہشت گردی دی روک تھام لئی مفاہتی یاداشت اُتے دستخط کیتے گئے۔ میڈیا رپورٹس وچ دسیا گیا اے کہ افغانستان دے شہر کابل وچ وزرائے خارجا دی سہہ فریقی کانفرنس وچ افغانستان دی سیاسی صورتحال تے خطے وچ امن و امان تے تجارت بارے کئی امور بارے وچار وٹاندرا کیتا گیا۔

ایہ مذاکرات تن دوریاں اُتے مشتمل نیں۔ چینی وزیر خارجا وانگ ای نے کابل سہہ فریقی وزرائے خارجا کانفرنس وچ گل بات کردے ہوئے اعلان کیتا کہ چین پشاور توں کابل تے قندھار وچکار ریلوے لائن وچھان وچ مدد کرے گا۔ اوہناں نے آکھیا کہ پاکستان تے افغانستان دوویں چین دے دوست ملک نیں۔ آؤندے ویلے نوں سہہ فریقی کانفرنس دی مجمانی(میزبانی) پاکستان کرے گا۔

اوہناں دا آکھنا سی کہ کانفرنس وچ پاکستان تے افغانستان نے باہمی تعلقات بہتر بنان بارے اتفاق کیتا۔ دوناں ملکاں دے تعلقات دی بہتری لئی تعاون چاہندے آں۔ وانگ ای دا آکھنا سی کہ تِنوں ملکاں دا دہشت گرد گروپاں خلاف مشترکہ جنگ اُتے اتفاق اے۔اوہناں نے آکھیا کہ خطے وچ مفاہمتی عمل نوں اگانہ ودھان لئی طالبان نوں مذاکرات دی میز اُتے لیانا پئے گا۔ تِنوں ملکاں نے ون بیلٹ ون روڈ منصوبے دی حمایت کیتی اے۔ خطے دی ترقی لئی افغانستان نال کئی شعبیاں وچ تعاون کراں گے۔