بہاولپور:14ورھیاں دے بھرا نے نِکے بھرا نوں قتل کر دِتا

بہاولپور(پاکستان پوائنٹ نیوز06۔دسمبر2016ء) بہاولپور وچ چودھاں ورھیاں دے وڈے بھرا نے 8ورھیاں دے سوتیلے نِکے بھرا نوں اِٹاں مار کے قتل کر دِتا، ملزم نوں گرفتار کر کے مقدما درج کر لیا گیا۔ تفصیل دے مطابق رحمن آباد وچ چودھاں ورھیاں دے وڈے بھرا نے اپنے8ورھیاں دے نِکے سوتیلے بھرا نوں اِٹاں مار کے قتل کر دِتا۔ پولیس نے ملزم نوں گرفتار کر لیا جدکہ بال دی لاش نوں پوسٹمارٹم لئی ہسپتال منتقل کر دِتا گیا اے۔ ملزم نے پولیس نوں بیان دِتا کہ اوہدا سوتیلا بھرا سوتیلے پیو نوں شکایتاں کردا سی۔ پولیس دے مطابق ملزم دی ماں نے پہلے شوہر دے فوت ہون دے بعد دوجا ویاہ کیتا سی۔ پولیس نے مقدما درج کرکے ہور تحقیقات شروع کر دِتیاں نیں۔