راولپنڈی(پاکستان پوائنٹ نیوز05۔دسمبر2016ء) آرمی چیف جنرل قمر جاوید باجوہ نے چار دہشت گرداں دی سزائے موت دی توثیق کر دِتی۔ آئی ایس پی آر دے مطابق دہشت گرداں نوں انسداد دہشت گردی عدالت نے موت دی سزا سنائی سی، جہدے بعد آرمی چیف نے چار دہشت گرداں دی سزائے موت دی توثیق کر دِتی اے۔ آئی ایس پی آر دے مطابق چارے دہشت گرد شہریاں، سکیورٹی فورسز، سی آئی ڈی بلڈنگ کراچی سنے کراچی ائر پورٹ تے اے ایس ایف اہلکاراں اُتے حملے وچ ملوث سن۔
ایس توں وکھ ملزم سکھر وچ حساس ادارے اُتے حملے وچ وی ملوث سن۔ ایہناں دہشت گرداں نےں ایس ایس پی فاروق اعوان سنے 266بندیاں نوں حملیاں وچ زخمی وی کیتا۔ آئی ایس پی آر دے مطابق ایہناں دہشت گرداں نے مجموعی طور اُتے ایس ایس پی چودھری اسلم سنے 58بندیاں نوں قتل جدکہ ایہ چارے دہشت گرد ایس ایس پی فاروق اعوان سنے 266بندیاں نوں زخمی کرن وچ وی ملوث سن۔ آئی ایس پی آر دے مطابق ایہناں دہشت گرداں وچ عطاءالرحمن، صابر، گل زریں تے فاروق شامل نیں۔
