کراچی(پاکستان پوائنٹ نیوز05۔دسمبر2016ء) کراچی دے مقامی ہوٹل وچ اگ لگن دے واقعے دی مڈھلی رپورٹ تیار کر لئی گئی اے۔ تفصیل دے مطابق مڈھلی تحقیقاتی رپورٹ پولیس تے فائر بریگیڈ نے تیار کیتی۔ رپورٹ وچ دسیا گیا اے کہ اگ لگن دا واقعہ ہوٹل دے گراﺅنڈ فلور اُتے حادثاتی طور اُتے پیش آیا۔ ہوٹل وچ ایمرجنسی ایگزٹ موجود سن، ہوٹل وچ موجود لوک بھاجڑ پاروں ایمرجنسی گیٹ نہ ورت سکے۔
رپورٹ وچ دسیا گیا اے کہ ہوٹل انتظامیا دے مطابق ہوٹل وچ ایمرجنسی الارم کم کر رہے سن پر عینی شاہداں دے مطابق اوہناں نے کسے الارم دی آواز نہیں سُنی۔ ہوٹل وچ اگ بُجھان والے آلات موجود سن پر دھواں ختم کرن والے آلات موجود نہیں سن جہدی وجہ توں زیادا موتاں دھواں بھر جان دے بعد ساہ گھٹن نال ہوئیاں۔ رپورٹ وچ ہور دسیا کہ جدوں اگ لگی اوس ویلے ہوٹل وچ 100توں ودھ ملازم موجود سن۔ یاد رہوے کہ کراچی دے اک مقامی ہوٹل وچ اگ لگن دا واقعہ پیش آیا جہدے نتیجے وچ 11بندے ہلاک تے 30توں ودھ زخمی ہو گئے ۔
