اسلام آباد(پاکستان پوائنٹ نیوز19۔نومبر۔2016ء) آرمی چیف جنرل راحیل شریف دی ریٹائرمنٹ توں پہلے اوہناں نوں الوداعی دین دیاں تیاریاں شروع کر دِتیاں گئیاں نیں۔ نجی ٹی وی چینل دی اک رپورٹ دے مطابق آرمی چیف جنرل راحیل شریف دی الوداعی تقریب لئی وزیراعظم ہاﺅس وچ تیاریاں شروع کر دِتیاں گئیاں نیں۔ وسیلیاں نے دسیا کہ آرمی چیف جنرل راحیل شریف دی الوداعی تقریب وچ اعلا سیاسی و عسکری قیادت نوں سَدا دِتا جائے گا جدکہ ایس تقریب وچ سابق آرمی چیف دی رلت دا وی امکان اے۔
نجی ٹی وی چینل دی رپورٹ وچ دسیا گیا کہ آرمی چیف جنرل راحیل شریف دی الوداعی تقریب وچ وفاقی کابینا دے ارکان وی رلت کرن گے۔ ایہ تقریب 22نومبر توں 27نومبر دے وچکار کسے وی تاریخ نوں ہو سکدی اے پر حتمی تاریخ بارے مشورا جاری اے۔وسیلیاں دے مطابق آرمی چیف جنرل راحیل شریف دے اعزاز وچ دِتی گئی ایس تقریب وچ اوہناں دیاں خدمتاںنوں سلاہیا جائے گا۔ یاد رہوے کہ آرمی چیف جنرل راحیل شریف 28نومبرنوں ریٹائر ہو رہے نیں تے اوہناں نے اپنی مدت ملازمت وچ توسیع لین توں وی صاف انکار کر دِتا اے۔
