خان صاحب لئی ویلا وی ٹھیک اے تے ستارے وی، ہن ویاہ چلے گا: سامعہ خان

اسلام آباد(پاکستان پوائنٹ نیوز19۔نومبر۔2016ء) مشہور آسٹرالوجر سامعہ خان نے عمران خان دے تیجے ویاہ دیاں گلاں ساہمنے آن دے بعد آکھیا اے کہ عمران خان دے ستارے وی ٹھیک نیں تے عمران خان لئی ویلا وی ٹھیک اے، ہن اوہناں دا ویاہ چلے گا۔ سامعہ خان نے آکھیا کہ عمران خان لئی ایہ ویلا بالکل ٹھیک اے، جے اوہناں نے ویاہ دا لڈو کھا لیا تے اوہ اوہناںنوں ہضم وی ہو جائے گا۔ یاد رہوے کہ مانچسٹر وچ اک ویاہ دی تقریب نال خطاب کردے ہوئے عمران خان نے آکھیا کہ ویاہ دے معاملے وچ میرے تجربے چنگے نہیں رہے، دعا کرو تیجا ویاہ کامیاب ہووے، جہدے بعد میڈیا وچ ایہ گل گھمنا شروع ہو گئی اے کہ عمران خان نے اپنے تیجے ویاہ دا اشارا دے دِتا اے۔