بھارتی فوج ولوں چکوٹھی سیکٹر اُتے فائرنگ: آئی ایس پی آر

راولپنڈی(پاکستان پوائنٹ نیوز19۔نومبر۔2016ء) بھارت ولوں ایل او سی تے ورکنگ باﺅنڈری اُتے سیز فائر دیاں خلاف ورزیاں جاری نیں، بھمبر سیکٹر دے بعد بھارتی فوج نے چکوٹھی سیکٹر اُتے وی فائرنگ دا سلسلا شروع کر دِتا اے۔ آئی ایس پی آر دے مطابق بھارتی فوج ولوں چکوٹھی سیکٹر اُتے سیز فائر سمجھوتے دی خلاف ورزی کیتی گئی۔ آخری اطلاع ملن تیک بھارتی فوج ولوں مارٹر گولے فائر کیتے گئے۔ پاک فوج نے وی بھارتی اشتعال انگیزی دا بھرپور جواب دیندے ہوئے بھارتی چیک پوسٹاں نوں کامیابی نال نشانا بنایا۔