سابق سیکرٹری اطلاعات زاہد میمن دل دا دورا پین نال لندن وچ چلانا کر گئے

کراچی(پاکستان پوائنٹ نیوز16۔نومبر۔2016ء) سابق سیکرٹری اطلاعات زاہد میمن لندن وچ علاج دوران چلانا کر گئے۔ میڈیا رپورٹ دے مطابق سابق سیکرٹری اطلاعات زاہد میمن لندن وچ علاج دوران چلانا کرگئے، زاہد میمن نوں دل دا دورا پیا، جہدے بعد اوہناں نوں ہسپتال منتقل کیتا گیا۔ بعد وچ اوہ سینے دے انفیکشن پاروں کومے وچ چلے گئے سن تے پچھلے 19دِناں توں کومے وچ ای سن۔ زاہد میمن سیکرٹری اطلاعات، ڈی جی مائنز اینڈ منرل تے سپیشل سیکرٹری داخلا دی حیثیت نال کم کر چکے نیں۔ زاہد میمن دے گھر والیاں ولوں اوہناں دے علاج لئی وزیر اعلا سندھ، حکومت سندھ تے پیپلز پارٹی دی اعلا قیادت توں اپیل وی کیتی گئی سی۔