میوالی وچ پاک فضائیا تے بری فوج دیاں سانجھیاں ’رعد البرق‘ مشقاں

خیرپورٹامیوالی(پاکستان پوائنٹ نیوز16۔نومبر۔2016ء) خیرپور ٹامیوالی وچ پاک فضائیا تے بری فوج دیاں سانجھیاں مشقاں جاری نیں، مشقاں ویکھن لئی آرمی چیف جنرل راحیل شریف تے وزیر اعظم میاں نواز شریف وی اوتھے پہنچے نیں۔ مشقاں وچ پاک فضائیا دے جہازاں دی گھرج نے ویکھن والیاں نوں حیران کر دِتا۔ مشقاں وچ پاک فضائیا دے جہاز تے بری فوج دیاں صلاحتاں دا بھرپور وکھالا کیتا جا رہیا اے۔ پاک فضائیا دے جہاز جے ایف تھنڈر 17نے صرف 40سکینڈز وچ آسمان توں زمین اُتے اپنے ہدف نوں نشانا بنایا۔ پاک فضائیا تے بری فوج دیاں صلاحتاں نوں ویکھدے ہوئے ایہ کہنا غلط نہیں ہووے گا کہ پاک فوج دیاں جنگی صلاحتاں دشمن لئی اک ڈراﺅنا خاب نیں۔