اسلام آباد(پاکستان پوائنٹ نیوز16۔نومبر۔2016ء) پاناما لیکس بارے کیس دی سنوائی سپریم کورٹ وچ جاری اے۔ سپریم کورٹ دا 5رکنی بنچ پاناما لیکس بارے درخاستاں دی سنوائی کررہیا اے۔ سپریم کورٹ وچ پاناما لیکس کیس دی پچھلے دیہاڑے ہون والی سنوائی وچ قطری شہزادے دا خط عدالت وچ پیش کیتا گیا جہدے بعد ایہ خیال کیتا جا رہیا سی کہ ممکنا طور اُتے قطری شہزادے نوں عدالت وچ طلب کیتا جا سکدا اے۔
پر وسیلیاں دا کہنا اے کہ قطری شہزادا تے قطر دے سابق وزیر اعظم حمد پاناما لیکس بارے کیس دی سنوائی دے سلسلے وچ سپریم کورٹ ساہمنے پیش ہون لئی پاکستان آ سکدے نیں۔ یاد رہوے کہ پچھلے دیہاڑے پاناما لیکس دی سنوائی دے دوران قطری شہزادے دا خط سپریم کورٹ وچ پیش کیتا گیا، خط وچ قطری شہزادے دا کہنا سی کہ دوویں خانداناں وچکار اج وی ذاتی تعلقات نیں۔
