لاہور(پاکستان پوائنٹ نیوز22۔نومبر۔2018ء) سعد رفیق نے امیر بندے نوں نشے اُتے لاکے ساری جائیداد ہڑپ کرلی۔ مشہور پرچا کار چودھری غلام حسین دا آکھنا اے کہ خواجا سعد رفیق اپنے پیسے تے طاقت دی وجہ توں ملک وچ نیب دے خلاف ماحول بنانا چاہندے نیں کہ نیب اوہناں دے خلاف انتقامی کارروائی کرنا چاہندا اے۔ تے ہن خواجا سعد رفیق نے اک ہور نواں شوشہ چھڈ دتا اے کہ نیب قیصرامین بٹ نوں ممنوعہ دوائیاں دے رہی اے تاں جے اوہ نشے دی حالت وچ سعد رفیق دے خلاف بیان دے سکن،جدوں کہ میں ایتھے بریکنگ نیوز دینا واں کہ قیصر امین بٹ نے نیب نوں بیان دیندے ہوئے دسیا کہ سعد رفیق نے مینوں نشے والیاں شیواں دتیاں۔
مینوں نشے اُتے لا دتا تے مینوں یرغمال بنایا۔انج میری ساری جائیداد تے کمپنیاں ہڑپ کر لیاں۔میں نشے دا عادی ہون دی وجہ توں موت دے مونہ وچ چلا گیا تے ہن میری ایہ حالت اے کہ میں نشے دے بغیر نہیں رہ سکدا۔ سعد رفیق نے پیراگون سوسائٹی وی ہڑپ کرلی۔ یاد رہوے کہ قیصر امین بٹ نوں کُجھ دن پہلاں نیب ولوں گرفتار کیتا گیا سی۔قیصر امین بٹ پیرا گون ہاؤسنگ سوسائٹی وچ خواجا سعد رفیق دے حصے دار نیں۔
