لاہور(پاکستان پوائنٹ نیوز22۔نومبر۔2018ء) مولانا طارق جمیل وی عمران خان توں پرامید۔ تفصیل دے مطابق مشہور پرچا کار جاوید چودھری نے سوال کیتا کہ عمران خان اک ایسے ملک نوں مدینہ طرز دی ریاست بنانا چاہندے نیں جو بے ایمانی اُتے پہلے نمبر اُتے اے، جعلی دوائیاں اُتے پہلے نمبر اُتے اے، جو بنک فراڈ وچ اگے اگے اے۔ایسا ملک جتھے سبھ توں ودھ جھوٹھ بولیا جاندا اے، جتھے دُدھ وی جعلی تے نقل ملدا اے تے انج دے ماحول وچ عمران خان ایس ملک نوں ریاست مدینہ وچ کیویں ڈھال سکن گے؟جیہدا جواب دیندے ہوئے مولانا طارق جمیل دا آکھنا سی کہ حکمران دی نیت دا اثر پورے ملک اُتے پیندا اے۔
میرے خیال وچ ایہ پہلا وزیراعظم اے جیہنے ایہ نعرہ لایا کہ میں اپنے ملک نوں مدینہ والی ریاست بنانا چاہنا واں۔ عمران خان ایہدے لئی کیہ کردے نیں کیہ نہیں اوہدا اجے تے نہیں پتا پر اجے مینوں انھیرا ای نظر آ رہیا اے۔ پر کسے حکمران دی نیت دا ملک تے سسٹم اُتے بہت اثر پیا اے۔ جے اسیں تاریخ وچ ویکھیے تے صرف دو ای ریاستاں نیں جو اسلام دے ناں اُتے بنیاں، اک ریاست مدینہ تے اک ریاست پاکستان۔
تے اللہ نے اوہدے لئی شپ قدر نوں چُنیا۔ رمضان المبارک دی 27ویں رات نوں چُنیا۔ ویکھن نوں تے کوئی شکل نہیں آؤندی اے۔ پر حکمران جدوں نیت کر لئے تے اللہ وی ضرور مدد کردا اے تے اوہدے لئی محنت کرے تے اللہ اوہدی محنت دا پھل ضرور دیندا اے۔ یقینن ہن اسیں اوہ دور تے نہیں لیا سکدے پر اسیں ایہدے وچ 33فیصد نمبر وی لے لئیے تے بہت کُجھ ہو سکدا اے۔
