کُڑی نے اپنے ای عاشق نوں لُٹ لیا

لاہور(پاکستان پوائنٹ نیوز22۔نومبر۔2018ء) سوشل میڈیا ویب سائٹ فیس بک نے جتھے کئی دلاں نوں ملایا اوتھے اوہدی وجہ توں کئی دل ٹُٹے وی نیں۔ اجیہا ای اک واقعہ چکوال وچ رہن والے مُنڈے نال پیش آیا۔ میڈیا رپورٹس وچ دسیا گیا اے کہ چکوال دے واسی عاصم بلال دی فیس بک اُتے کُڑی نال دوستی ہوئی۔ کُڑی نے ملن دے بہانے عاصم نوں سرگودھا دے علاقے پھلروان سدیا جتھے کُڑی دے رشتے داراں نے عاصم نوں تشدد دا نشانہ بنایا تے اوہنوں لُٹ کے فرار ہو گئے۔ تشدد دا نشانہ بنن والے عاصم بلال نے مقدمہ درج کروان لئی پھلروان پولیس نوں درخاست دے دتی اے۔ پولیس نوں دتی گئی درخاست وچ عاصم دا آکھنا اے کہ کُڑی نے اپنی ماں نال منصوبہ بندی دے تحت مینوں سدیا تے تشدد دا نشانہ بنان مگروں لُٹ لیا۔