لاہور(پاکستان پوائنٹ نیوز03۔نومبر۔2018ء) مسلم لیگ (ن) دے صدر شہباز شریف دی ضمانت ردخاست رد ہون خلاف لاہور ہائی کورٹ وچ نظر ثانی اپیل دائر کر دتی گئی اے۔ میڈیا رپورٹس مطابق اے کے ڈوگر ایڈووکیٹ ولوں لاہور ہائی کورٹ وچ درخاست دائر کیتی گئی ۔ درخاست وچ بینتی کیتی گئی کہ ہائی کورٹ نے شہباز شریف دی ضمانت درخاست رد کیتی سی۔ انکوائری مکمل تے جرم ثابت ہون توں پہلے گرفتاری غیر آئینی اے۔
نیب نے جرم ثابت ہون توں پہلاں شہباز شریف نوں گرفتار کیتا تے انج کرنا آئین دے آرٹیکل 10دی خلاف ورزی اے۔ چیئرمین نیب ولوں انکوائری دوران کسے وی ملزم نوں گرفتار کر ن دا اختیار آئین دے اُلٹ اے۔ ایس لئی شہباز شریف دی گرفتاری کالعدم قرار دتی جائے۔ عدالت فیصلے اُتے نظرثانی کردے ہوئے درخاست ضمانت منظور کر کے رہائی دا حکم دیوے۔درخاست وچ نیب، وفاقی حکومت تے شہباز شریف نوں فریق بنایا گیا۔
