مولانا سمیع الحق دے قتل وچ کون ملوث اے؟

مشہور پرچا کار نے مولانا سمیع الحق دے قتل بارے نواں انکشاف کر دتا

مولانا سمیع الحق دے قتل وچ کون ملوث اے؟
مشہور پرچا کار نے مولانا سمیع الحق دے قتل بارے نواں انکشاف کر دتا

اسلام آباد(پاکستان پوائنٹ نیوز03۔نومبر۔2018ء) نجی ٹی وی چینل دے پروگرام وچ گل بات کردے ہوئے مشہورپرچا کار ڈاکٹر شاہد مسعود نے آکھیا کہ مولانا سمیع الحق دے قتل وچ غیر ملکی طاقتاں ملوث نیں۔ اوہناں نے آکھیا کہ ہن کوئی منے یاں نہ منے، تے چاہے اوہناں دے قتل نوں ذاتی دشمنی اُتے کیتاجان والا قتل آکھیا جائے، ہو سکدا اے اوہناں دے قتل وچ ذاتی دشمنی دے وی کُجھ محرکات ہون پر اوہناں دے قتل وچ یقینی طور اُتے غیر ملکی طاقتاں دا ہتھ اے۔

اوہناں دا آکھنا سی کہ اوہناں دی شہادت وچ غیر ملکی طاقتاں د اہتھ ہونا اک آسان گل اے کیونکہ ملک وچ اک افراتفری دا عالم سی تے انج دے ماحول وچ غیر ملکی طاقتاں دا ملک وچ وار کرنا آسان سی، ملک وچ اتفراتفری دی صورتحال دا غیر ملکی طاقتاں نے بھرپور فائدہ چُکیا اے جیہدا نتیجہ مولانا سمیع الحق دی شہادت دی صورت وچ نظر آ رہیا اے۔ اوہناں نے ہور آکھیاکہ وزیراعظم عمران خان دے دور ہ چین ویلے ملک وچ انج دی صورتحال ہونا وی اک سوالیہ نشان اے۔

یادرہوے کہ پچھلے دیہاڑے جمعیت علماء اسلام (س) دے سربراہ مولانا سمیع الحق قاتلانہ حملے وچ ہلاک ہو گئے۔ شرپسند عناصر نے سربراہ جے یو آئی (س) مولانا سمیع الحق اُتے چاقو نال حملا کیتا ۔حملے دے نتیجے وچ اوہ ڈاڈھے زخمی ہو گئے ، جتھوں اوہناں نوں ہسپتال منتقل کیتا گیا پر ڈاڈھے زخماں پاروں اوہ ہلاک ہوگئے۔ مولانا دے ہلاک ہون دی تصدیق جے یو آئی (س) پشاور دے صدر مولانا حصیم نے کیتی۔ ایس حوالے نال اوہناں دے پُترمولانا حامد الحق دا آکھنا سی کہ راہ بند سن تے مولانا اسلام آباد دے وکھالے (مظاہرے)وچ نہ اپڑ سکے۔ اوہ عصر ویلے اپنے کمرے وچ آرام کر رہے سن۔ اوہناں دے ڈرائیور مولانا سید احمد شاہ حقانی باہر گئے سن پر جدوں اوہ واپس آئے تے مولانا صاحب خون نال بھرے پئے سن۔