اسلام آباد(پاکستان پوائنٹ نیوز02۔نومبر۔2018ء) آرمی چیف جنرل قمر جاوید باجوہ دے پُتر سعد باجوہ دا اج ویاہ اے،آرمی چیف ولوں عظیم الشان محفل میلاد دا اہتمام۔ تفصیل مطابق آرمی چیف جنرل قمر جاوید باجوہ دے پُتر سعد باجوہ دے ویاہ دی تقریب اج آرمی ہاؤس راولپنڈی وچ ہوئے گی۔ آرمی چیف جنرل قمر جاوید باجوہ دے پُتر سعد باجوہ دے ویاہ اُتے عظیم الشان محفل میلاد دا اہتمام کیتا گیا اے۔
محفل میلاد وچ عاشقان رسول رب تے اوہدے محبوب دا ذکر کرن گے۔جنرل قمر جاوید باجوہ دی ہدایت اُتے ویاہ دی تقریب وچ سدے جان والے پروہنیاں نوں 10دن پہلاں دعوت نامے گھلے گئے سن۔ ایہناں دعوت نامیاں وچ جمعے دے دیہاڑے ویاہ دی تقریب توں پہلاں محفل میلاد بارے وی لکھیا گیا سی۔یاد رہوے کہ ایس توں پہلاں جدوں جنرل قمر جاوید باجوہ آرمی چیف بنے سنے تے ایس موقعے اُتے وی اوہناں اپنے گھر وچ محفل میلاد کروائی سی۔
