اٹک(پاکستان پوائنٹ نیوز02۔نومبر۔2018ء) اُستاد نوں روحانی باپ دا درجہ حاصل اے پر اج کل کئی اُستاد اں بارے پُٹھیاں خبراں سُنن نوں ملدیاں نیں۔ تازہ اطلاع مطابق پاکستان دے شہر اٹک وچ قرآن پاک پڑھان والے اک قاری نے اپنے 10ورھیاں دے شاگرد نوں زیادتی دا نشانہ بنا دتا۔ واقعے مگروں پولیس نے مقدمہ درج کر کے قاری نوں گرفتار کر لیا اے۔ تفصیل مطابق میڈیا رپورٹس وچ دسیا گیا اے کہ 10ورھیاں دے بال نال زیادتی دا ایہ واقعہ ضلع اٹک دی تحصیل حضرو دے علاقہ فورمیل وچ پیش آیا۔
متاثرہ بال دی ماں نے پولیس نوں بیان دیندے ہوئے دسیا کہ میرا پُتر سکول وچ تیجی جماعت وچ پڑھدا اے تے سکول مگروں محلے دی مسجد دی دوجی منزل اُتے مدرسے وچ قرآن پڑھن جاندا اے۔ اوہناں دا آکھنا سی کہ پچھلے دیہاڑے میرا پُتر مدرے وچ پڑھن گیا تے روندا ہویا واپس آیا۔ جدوں اوہدے کولوں پُچھیا تے اوہنے دسیا کہ قاری تنویر نے اوہدے نال بدفعلی کیتی اے۔
بال دی شکایت اُتے جدوں مسجد اپڑی تے قاری تنویر نے پہلے مینوں ڈرایا تے بعدں منتاں کر کے چُپ رہن دی دی بینتی کیتی۔ بال دی والدہ دا آکھنا سی کہ تکلیف نوں ویکھ کے جدوں میں بال نوں ہسپتال لے کے گئے تے ڈاکٹر نے معائنے مگروں بال نال زیادتی دی تصدیق کیتی۔دوجے پاسے پولیس نے میڈیکل رپورٹ دی بنیاد اُتے قاری تنویر نوں گرفتار کر کے متاثرہ بال دی والدہ دی مدعیت وچ مقدمہ درج کر لیا۔
