لاہور(پاکستان پوائنٹ نیوز24۔اکتوبر۔2018ء) لاہور ہائی کورٹ نے خواجا برادران دی ضمانت وچ 15دناں دی توسیع کر دتی۔ تفصیل مطابق خواجا سعد رفیق تے خواجا سلمان رفیق نے ضمانت وچ توسیع لئی لاہور ہائی کورٹ نال رابطہ کیتا سی جیہدے اُتے اج سنوائی کردے ہوئے عدالت نے خواجا برادران دی ضمانت وچ 14نومبر تیکر توسیع کر دتی اے۔ یاد رہوے کہ ایس توں پہلاں 15اکتوبر نوں لاہور ہائی کورٹ وچ جسٹس علی باقر نجفی دی سربراہی وچ دو رکنی بنچ نے خواجا سعدرفیق تے خواجا سلمان رفیق دی درخاست ضمانت اُتے سنوائی کیتی۔
سنوائی دوران خواجا سعد رفیق تے خواجا سلمان رفیق دی ضمانت قبل از گرفتاری درخاست منظور کیتی گئی۔ لاہور ہائی کورٹ نے نیب نوں خواجا سعد رفیق تے خواجا سلمان رفیق نوں گرفتار کرن توں روکیاسی۔ خواجا برادران دی 24اکتوبر تیکر عبوری ضمانت منظور کیتی گئی سی۔
