اسلام آباد(پاکستان پوائنٹ نیوز24۔اکتوبر۔2018ء) نیپرا نے بجلی دے ریٹ وچ 20پیسے فی یونٹ وادھے دی منظوری دے دتی۔ میڈیا رپورٹس مطابق بجلی اک وار فیر مہنگی ہوگئی اے۔ نیپرا نے بجلی دیاں قیمتاں وچ 20پیسے فی یونٹ وادھا کر دتا اے۔ بجلی دیاں قیمتاں وچ وادھا مہینہ وار فیول ایڈجسٹمنٹ دی مد وچ کیتا گیا ۔ نیپرا ولوں بجلی دیاں قیمتاں وچ وادھے دی منظوری ستمبر دے مہینے دی فیول ایڈجسٹمنٹ دی مد وچ کیتی گئی۔
بجلی ورتیندڑاں اُتے 2ارب 50کروڑ دا وادھو بھار پئے گا۔ ستمبر وچ فیول لاگت 5رُپئے 12پیسے فی یونٹ سی۔ کمپنیاں نوں دتی جان والی بجلی دی قیمت 5رُپئے 56پیسے فی یونٹ سی ۔دوجے پاسے حکومت نوں بجلی دیاں قیمتاں ودھان وچ عوامی دباء دا ساہمنا کرنا پے رہیا اے۔یاد رہوے کہ دو دن پہلاں وفاقی وزارت پانی و بجلی نے بجلی دیاں قیمتاں وچ وادھے بارے نیپرا نال رابطہ کیتا سی۔
