امریکا جان دے خاہشمند پاکستانیاں لئی خشخبری

اسلام آباد(پاکستان پوائنٹ نیوز24۔اکتوبر۔2018ء) امریکا جان دے خاہشمند پاکستانیاں لئی خشخبری،ایمریٹس ائر لائن نے پاکستان توں امریکا لئی خاص پیکج متعارف کروا دتااے۔ تفصیل مطابق ایمریٹس ائر لائن ولوں جاری تفصیلاں وچ دسیا گیا اے کہ امریکا دے مشہور شہراں تے سیاحتی تھاواں دی سیر کرن دے خاہشمند پاکستانیاں لئی ایمریٹس ائر لائن نے اکانومی تے بزنس کلاس دے ریٹرن ٹیکٹس اُتے خاص ڈیلز متعارف کروائی اے۔

اوہ پاکستانی حضرات جو ایمریٹس ائر لائن دی ایس آفر توں فائدہ چُکنا چاہندے نیں 25 اکتوبر2018 توں لے کے 31مارچ 2019تک سفر کرن لئی اپنی بکنگ کر وا سکدے نیں۔ ائر لائن دی ایہ آفر 5نومبر تیکر اے۔ 5نومبر تیکرایس آفر توں فائدہ چُکیا جا سکدا اے۔ ایہ آفر امریکا دے 8وڈے شہراں لئی جیہناں وچ سان فرانسکو، نیویارک، سیٹل، آرلینڈو، ڈیٹروئٹ، ڈینور، اٹلانٹام تے ریلائی شامل نیں۔ ایمریٹس ولوں جاری تفصیلاں مطابق اکانومی کلاس دی ٹکٹ اک لکھ 50ہزار، 50رُپئے جدکہ بزنس کلاس دا کرایہ 5لکھ36ہزار، 70رُپئے ہوئے گا۔