ترجمان گولڑھ شریف قتل،سہیل خان نوں ہری پور دے علاقے وچ قتل کیتا گیا

ہری پور(پاکستان پوائنٹ نیوز16۔اکتوبر۔2018ء) مشہور مذہبی و روحانی درگاہ آستانیہ گولڑھ شریف دے ترجمان سہیل خان نوں ہری پور دے علاقے وچ قتل کر دتا گیا اے۔ تفصیل مطابق آستانیہ گولڑھ شریف نوں پاکستان دی اک وڈی روحانی درگاہ ہون دی حیثیت حاصل اے۔ روحانی و مذہبی کردار دے نال نال گولڑھ شریف دی اپنی اک سیاسی اہمیت اے۔ تازہ اطلاع مطابق آستانیہ گولڑھ شریف صدمے وچ ڈُب گیا اے۔

اوہدی وجہ اوہناں دے ترجمان دا قتل اے۔ گولڑھ شریف دے ترجمان سہیل خان نوں قتل کر دتا گیا۔ ترجمان سہیل نوں ہری پور دے علاقے حطار وچ قتل کیتا گیا۔ اوہناں نوں لمے چِر توں دھمکیاں مل رہیاں سن پر اج اوہناں نوں عدالتوں نکلن مگروں کُجھ نامعلوم بندیاں نے فائرنگ کر کے قتل کر دتا۔ فائرنگ دے نتیجے وچ اوہ ڈاڈھے زخمی ہو گئے۔ پر ہسپتال وچ ڈاڈھے زخماں پاروں اوہ چلانا کر گئے۔دوجے پاسے پولیس نے اوہناں دے قتل بارے تفتیش شروع کر دتی اے۔