ضمنی الیکشن:آئی ووٹنگ دے فائدے ساہمنے آن لگے

اسلام آباد(پاکستان پوائنٹ نیوز16۔اکتوبر۔2018ء) ملک بھر وچ 2 دن پہلاں ہون والے ضمنی الیکشن وچ اوورسیز پاکستانیاں نوں وی ووٹ پان دا حق دتا گیا۔ اوورسیز پاکستانیاں نے آئی ووٹنگ راہیں اپنا ووٹ کاسٹ کیتا۔ پر ہن آئی ووٹنگ دے فائدے وی ساہمنے آنا شروع ہو گئے نیں۔ این اے 60توں پاکستان تحریک انصاف دے ٹکٹ اُتے ضمنی الیکشن جِتن والے امیدوار و عوامی مسلم لیگ دے سربراہ شیخ رشید دے بھتیجے شیخ راشد نوں آئی ووٹنگ راہیں 400ووٹ پئے۔ جیہدے مگروں راشد شفیق دے مخالف امیدواردی برتری ودھ کے 9سو ہو گئی۔ شیخ راشد شفیق دے مخالف مسلم لیگ (ن) دے امیدوار نوں آئی ووٹنگ راہیں صرف 54ووٹ پئے۔آئی ووٹنگ وچ بُہتے ووٹ شیخ راشد نوں ملے جیہدے نال این اے 60وچ اوہناں دی جت برقرار رہی۔