خواجا سعد رفیق تے خواجا سلمان نیب نوں مطمئن کرن وچ ناکام

قومی احتساب بیورو نے خواجا برادران نوں فیر سدن دا فیصلا کر لیا

خواجا سعد رفیق تے خواجا سلمان نیب نوں مطمئن کرن وچ ناکام
قومی احتساب بیورو نے خواجا برادران نوں فیر سدن دا فیصلا کر لیا

لاہور(پاکستان پوائنٹ نیوز16۔اکتوبر۔2018ء) خواجا سعد رفیق تے خواجا سلمان نیب نوں مطمئن کرن وچ ناکام، قومی احتساب بیورو نے خواجا برادران نوں فیر سدن دا فیصلا کر لیا۔ تفصیل مطابق خواجا سعد رفیق تے خواجا سلمان رفیق اج پیراگون ہاؤنگ سوسائٹی کیس وچ نیب ساہمنے پیش ہوئے۔ نیب نے خواجا برادران کولوں پیراگون سوسائٹی دے حوالے نال کئی سوال کیتے۔

سوال پُچھن مگروں خواجا سعد رفیق تے خواجا سلمان رفیق نوں نیب ولوں گھر جان دی اجازت دتی گئی۔ پر ہن خبر آئی اے کہ خواجا سعد رفیق تے خواجا سلمان رفیق نیب دے سوالاں دے کوئی تسلی بخش جواب نہ دے سکے، جیہدے مگروں اوہناں نوں نیب ولوں فیر سدن دا فیصلا کیتا گیا اے۔ یاد رہوے کہ پچھلے دیہاڑے لاہور ہائی کورٹ وچ جسٹس علی باقر نجفی دی سربراہی وچ دو رکنی بنچ نے خواجا سعدرفیق تے خواجا سلمان رفیق دی درخاست ضمانت اُتے سنوائی کیتی۔ سنوائی دوران خواجا سعد رفیق تے خواجا سلمان رفیق دی ضمانت قبل از گرفتاری درخاست منظور کیتی گئی۔ لاہور ہائی کورٹ نے نیب نوں خواجا سعد رفیق تے خواجا سلمان رفیق نوں گرفتار کرن توں روکیا۔ خواجا برادران دی 24اکتوبر تیکر عبوری ضمانت منظور کیتی گئی۔