لاہور(پاکستان پوائنٹ نیوز11۔اکتوبر۔2018ء) احتساب عدالت نے سابق وزیر اعلا پنجاب شہباز شریف دے داماد علی عمران دی جائیداد ضبط کرن دا حکم دے دتا اے پر عدالت نے ہور شیئر ہولڈرز خلاف نیب کارروائی نوں روک دتا اے۔ میڈیا رپورٹس مطابق احتساب عدالت وچ علی عمران دی جائیداد ضبط کرن بارے کیس دی سنوائی ہوئی۔ سنوائی دوران علی عمران دی جائیداد ضبط کرن دا حکم دتا گیا ۔
یاد رہوے کہ نیب نے علی عمران خان صاف پانی کمپنی کیس وچ تحقیقات کیتیاں سن۔ جیہدے اُتے نیب نے عدالت توں بینتی کیتی سی کہ علی عمران نوں اشتہاری قرار دتا جائے تے اوہناں دی جائیداد ضبط کرن دا حکم وی دتا جائے۔پر اج احتساب عدالت نے عمران دی جائیداد ضبط کرن دا حکم نیب نوں دتا اے۔پر عدالت نے ہور شیئر ہولڈرز خلاف نیب کارروائی نوں روک دتا اے۔
